Maxfiylik siyosati

Ushbu siyosat GetChat (getchat.io) xizmatidan foydalanganda qanday ma'lumotlar yig'ilishi, ulardan qanday foydalanilishi va qanday himoyalanishini tushuntiradi. Ma'lumotlar uchun mas'ul — quyida ko'rsatilgan yakka tartibdagi tadbirkor.

1. Qanday ma'lumotlar yig'amiz. Akkaunt ma'lumotlari: email, ism (ixtiyoriy), parol xeshi. Google, Facebook yoki Telegram orqali kirsangiz: profil rasmi (nusxasi bizda saqlanadi) va ism. Instagram ulanishi orqali (rasmiy Meta API): Instagram user ID, username, profil rasmi, kirish tokeni (shifrlangan holda saqlanadi). Instagram webhooks orqali: izoh va xabarlar matni, yozgan foydalanuvchining ID va username'i. Mijoz yuborgan media: rasm, video, ovozli xabar va fayllar. Ularning nusxasi bizning serverimizda saqlanadi. Ovozli xabarlar matnga o'giriladi. Matn saqlanadi va AI menejerga javob tayyorlash uchun beriladi. Telegram bot orqali: yozgan foydalanuvchining Telegram ID raqami, ismi va username'i, xabarlar matni hamda profil rasmi — rasmning nusxasi bizning serverimizda saqlanadi. Siz yuklagan biznes ma'lumotlari: katalog, FAQ, matn va hujjatlar. Texnik jurnal: amal turi, vaqt, IP-manzil.

2. Nima uchun ishlatamiz. Xizmatni ko'rsatish — avto-javoblar va AI-javoblar yaratish; akkaunt xavfsizligi; murakkab savollarni operatorga uzatish (Inbox); to'lovlarni qayta ishlash; suiiste'molni aniqlash.

3. Nima QILMAYMIZ. Ma'lumotlaringizni uchinchi shaxslarga sotmaymiz. Mijozlaringiz xabarlarini AI modellarini o'qitish uchun ishlatmaymiz.

4. Saqlash muddatlari. Akkaunt va tokenlar — profil o'chirilgunga qadar. Xabarlar matni va mijozlar ma'lumoti — akkaunt faol turganida yoki siz sozlamalarda o'zingiz o'chirgan paytgacha. O'chirish darhol bajariladi, kechiktirilgan muddat yo'q. To'lov yozuvlarini buxgalteriya va soliq uchun saqlashimiz shart — ularda to'lovchining nomi va emaili qoladi, shuning uchun profil o'chgandan keyin ham turadi.

5. Kim bilan bo'lishamiz. Meta (Instagram API) — faqat rasmiy endpointlar orqali. OpenAI — AI-javoblarni yaratish va ovozli xabarlarni matnga o'girish uchun; kontent modellarni o'qitishga ishlatilmaydi. To'lov tizimlari (Uzcard, Humo, Visa, Mastercard) — faqat to'lovni o'tkazish uchun. Hosting: UFO.Hosting, Finlyandiyadagi (Yevropa Ittifoqi) ma'lumot markazi — ilova serverlari va ma'lumotlar bazasi o'sha yerda turadi. Ma'lumotlar sotilmaydi.

6. Sizning huquqlaringiz. Ma'lumotlarga kirish, tuzatish, o'chirish, eksport qilish va rozilikni qaytarib olish huquqiga egasiz. Murojaat: hello@getchat.io. Ma'lumotni qanday o'chirish batafsil Ma'lumotlarni o'chirish sahifasida yozilgan.

7. Cookies. Faqat funksional cookielar: sessiya va til tanlovi. Reklama yoki kuzatuv cookielari yo'q.

8. Xavfsizlik. Butun sayt HTTPS orqali ishlaydi; Instagram tokenlari shifrlangan holda, parollar xesh ko'rinishida saqlanadi; webhook'lar imzo orqali tekshiriladi.

9. Bolalar. Xizmat 18 yoshdan kichik foydalanuvchilar uchun mo'ljallanmagan.

10. Davlat organlarining so'rovlari. Davlat organidan shaxsiy ma'lumotlarni oshkor qilish haqida so'rov kelsa, uning qonuniyligi va asosini tekshiramiz. So'rovda bevosita talab qilingan eng zarur ma'lumotnigina beramiz. Har bir shunday so'rovni, javobimizni va uning huquqiy asosini jurnalga yozib boramiz. So'rovni qonunga zid yoki haddan ortiq deb bilsak, mavjud vositalar bilan e'tiroz bildiramiz.

11. O'zgarishlar va yurisdiktsiya. Muhim o'zgarishlar haqida email orqali oldindan xabar beramiz. Yurisdiktsiya — O'zbekiston Respublikasi. Meta Platform Terms: developers.facebook.com/terms.