Boshlashdan oldin
Bu shartlardan biri bajarilmasa, Instagram ulanmaydi. Ro'yxatdan o'tishdan oldin tekshirib qo'ying.
Akkaunt Professional turida bo'lsin
Instagram sozlamalarida «Akkaunt turi va vositalar» → «Professional akkauntga o'tish» bo'limida Business yoki Creator (Autor) turini tanlang. Shaxsiy (Personal) akkaunt ulanmaydi.
Xabarlarga ruxsat yoqilgan bo'lsin
Instagram sozlamalarida Xabarlar → «Ulangan vositalar» bo'limida «Allow access to messages» yoqilgan bo'lishi kerak. U o'chiq bo'lsa, GetChat Direct xabarlarini ko'rmaydi.
Brauzerda shu akkaunt ochiq bo'lsin
Ulash oynasi brauzerdagi Instagram'ga tayanadi. Ulashdan oldin instagram.com'ni oching va ulamoqchi bo'lgan akkaunt bilan kirilganini tekshiring. Bir nechta akkauntingiz bo'lsa, keraklisiga o'ting.
Qadamlar
1. Akkaunt oching
1 daq«Ro'yxatdan o'tish» tugmasini bosing, «Xush kelibsiz» oynasi ochiladi. «Pochta» bo'limida «Hisobingiz yo'qmi?» yozuvi yonidagi «Kod bilan ro'yxatdan o'ting»ni bosing va emailingizni yozing. Google, Telegram yoki Facebook bilan ham kirsa bo'ladi, ularning tugmalari «yoki» yozuvidan pastda. Telefon raqam bilan kirish uchun «Telefon» bo'limini ochib, «Kodni olish»ni bosing.
Keyin ko'rasiz: Tasdiqlash kodini kiritish oynasi.
2. Emailni tasdiqlang
1 daqPochtangizga 6 xonali kod keladi. Uni kiriting va «Tasdiqlash»ni bosing. Kod 10 daqiqa amal qiladi. Xat kelmasa, «Spam» papkasini qarang, keyin «Kodni qayta yuborish»ni bosing.
Keyin ko'rasiz: Parol yozish maydoni.
3. Parol qo'ying
1 daq«Yangi parol» maydoniga kamida 6 belgili parol yozing va «Hisob yaratish»ni bosing. Google, Telegram yoki telefon orqali kirgan bo'lsangiz, o'rniga «Parol o'rnating» oynasi chiqadi: parolni ikki marta yozib, «Davom etish»ni bosing.
Keyin ko'rasiz: «Instagram akkauntingizni ulang» oynasi.
4. Instagram akkauntni ulang
2 daq«Instagram'ni ulash»ni bosing. Instagram oynasi ochiladi: akkauntingizga kiring va so'ralgan ruxsatlarning hammasini tasdiqlang, birorta katakchani o'chirmang. Shundan keyin oyna o'zi yopiladi.
Bu yerda «O'tkazib yuborish»ni bosmang: Instagram ulanmaguncha GetChat birorta xabarga javob bermaydi. Bosib qo'ygan bo'lsangiz, ilovada chap paneldagi «Instagram akkauntni ulash»ni yoki «Sozlamalar» → «Kanallar» bo'limida Instagram qatoridagi «Ulash»ni bosing.
Keyin ko'rasiz: «Akkaunt muvaffaqiyatli ulandi» yozuvi va akkauntingiz nomi. «Davom etish»ni bosing.
5. Biznes ma'lumotlarini kiriting
1 daq«Biznesingiz haqida» oynasida «Biznes nomi» Instagram nomingiz bilan to'ldirilgan bo'ladi, kerak bo'lsa o'zgartiring. «Yo'nalish»dan biznesingiz turini tanlang (ro'yxatda yo'q bo'lsa, «Boshqa») va «Tugatish»ni bosing.
Keyin ko'rasiz: Ilovaning bosh sahifasi. Free tarif yoqilgan.
Ko'p uchraydigan xatolar
Qo'shtirnoq ichida ilova ko'rsatadigan xabar matni berilgan.
- «Instagram profilini o'qib bo'lmadi»
- Akkaunt hali shaxsiy turda yoki ulash oynasida ruxsatlardan biri o'chirilgan. Akkaunt turini tekshiring, keyin ulashni qaytadan boshlab, hamma katakchalarni yoqilgan holda qoldiring.
- «Xabarlarga obuna bo'lib bo'lmadi»
- Ko'pincha «Allow access to messages» o'chiq bo'ladi. Uni Instagram sozlamalarida yoqing (yuqoridagi 2-shart) va qayta ulang.
- «Bu Instagram akkaunt boshqa profilga ulangan»
- Bu Instagram akkaunt boshqa GetChat profiliga ulangan, masalan boshqa email bilan ochilgan eski profilga. O'sha profilga kiring va «Sozlamalar» → «Kanallar» bo'limida «Uzish»ni bosing yoki bizga yozing.
- «Instagram ulanish so'rovini rad etdi»
- Ulash kodi eskirgan yoki allaqachon ishlatilgan. Instagram oynasini yoping va «Instagram'ni ulash»ni qaytadan bosing.
- Boshqa akkaunt ulanib qoldi
- Ulash paytida brauzerda boshqa Instagram akkaunt ochiq bo'lgan. Ilovada noto'g'ri akkauntni uzing, instagram.com'da keraklisiga o'ting va qayta ulang.
- Tasdiqlash kodi kelmadi
- Xat «Spam» papkasiga tushgan bo'lishi mumkin. Bir-ikki daqiqa kuting, o'sha papkani qarang, keyin «Kodni qayta yuborish»ni bosing. Email manzil to'g'ri yozilganini ham tekshiring.
Shartlar joyida bo'lsa, akkaunt oching
Ro'yxatdan o'tganingizdan keyin Free tarif ishlaydi: oyiga 300 ta avtomatik suhbat, karta so'ralmaydi.
Ulashda qiynalsangiz, yozing, birga ulaymiz
Qo'ng'iroq qiling yoki Telegram'da yozing. Instagram akkauntingiz nomini ham qo'shsangiz, tezroq yordam beramiz.